Sobre estes mapas

Ferrol constitúe un exemplo de como o seu xurdimento, apoxeo e decadencia reflicten os avatares da historia política, social e económica do noso país. No século XVI as excepcionais condicións naturais da Ría de Ferrol empezaron a ser coñecidas, e fan dela lugar de fondeo e saída da Armada Real. A finais do século XVI comezouse a construír o primeiro dos castelos da ría, o de San Felipe ergéndose posteriormente o da Palma e o de San Martiño. Os tres castelos constituirán un insuperable triángulo de defensa da ría.